تلنگانہ:دھان کی خریداری میں تاخیر پر کسانوں کا احتجاج

تلنگانہ کے محبوب نگر ضلع کے سری رنگا پور میں کسانوں نے دھان کی خریداری میں تاخیر پر احتجاج کیا۔ کسانوں کا کہنا ہے کہ ایک ماہ قبل دھان لے کر آنے کے باوجود اب تک اس کی خریداری نہیں کی گئی۔ وزن کردہ دھان کو منتقل کرنے کے لئے مناسب تعداد میں لاریاں فراہم نہیں کی گئیں۔ مل مالکان دھان کو مل تک لے جانے پر اس میں 1 تا 3 کلو فی کوئنٹل کی کٹوتی کر رہے ہیں، جس پر کسانوں نے افسوس کا اظہار کیا۔ وزن شدہ دھان اگر بارش سے بھیگ جائے تو نقصان کا اندیشہ ہے۔ کسانوں نے بغیر کسی شرط کے فوری خریداری کا مطالبہ کیا۔ پولیس نے موقع پر پہنچ کر کسانوں کو سمجھا بجھا کر احتجاج ختم کروایا۔ کسانوں نے خبردار کیا ہے کہ اگر ان کے مسائل حل نہ کئے گئے تو دوبارہ احتجاج کریں گے۔