آسٹریلیا کے شہر نیو ساؤتھ ویلز میں سیلاب سے بڑے پیمانے پر تباہی

سڈنی، 24 مئی: آسٹریلیا کے نیو ساؤتھ ویلز (این ایس ڈبلیو) میں سیلاب کی وجہ سے تقریباً دس ہزار املاک کو نقصان پہنچاہے۔ریاستی ایمرجنسی سروسز اتھارٹی نے ہفتہ کے روز کہا کہ ابتدائی اندازے کے مطابق ریاست کے مشرقی علاقوں میں سیلابی پانی سے 10,000 سے زیادہ املاک کو نقصان پہنچا ہے۔

اسٹیٹ ایمرجنسی سروس (ایس ای ایس) کے چیف سپرنٹنڈنٹ پال میک کیوین نے آج صبح نامہ نگاروں کو بتایا کہ جائزہ ٹیم نقصان کی تشخیص کا عمل شروع کرنے کے لیے روانہ ہو گی۔”میں اس بات کا اعادہ کرتا ہوں کہ یہ اب بھی خطرناک صورتحال ہے جہاں بنیادی ڈھانچے اور املاک کو نقصان پہنچنے کا امکان موجود ہے۔ پانی کی سطح مزید کم ہونے تک لوگوں کو اپنے گھروں کو واپس جانے کی اجازت دینا ممکن نہیں ہے اور ہمیں یقین ہے کہ وہ بحفاظت اپنے گھروں اور برادریوں تک پہنچ سکیں گے۔”

این ایس ڈبلیو کی پولیس نے جمعہ کی شام کو ایک بیان میں کہا کہ ریسکیو افسران کو سیلاب سے متاثرہ وسط شمالی ساحل پر جلی ہوئی گاڑی کے اندر سے ایک لاش ملی۔ یہ وسط شمالی ساحل اور آس پاس کے علاقوں میں پانچ دنوں کی طوفانی بارش کے سبب بڑے سیلاب میں پانچویں موت ہے۔