تلنگانہ:عادل آبادکے کسانوں کی انوکھی تدبیر، ٹریکٹر کے ٹائروں میں پانی بھر کر گرمی کا مقابلہ

حیدرآباد:  عام طور پر جہاں کہیں بھی ٹائروں میں ہوا بھری جاتی ہے، وہیں تلنگانہ کے ضلع عادل آباد کے گڑی ہتنور منڈل کے مننور گاؤں میں کئی کسان ٹریکٹروں کے ٹائروں میں پانی بھر کر استعمال کر رہے ہیں۔کسانوں نے بتایا کہ ہر سال گرمی کے موسم میں وہ اپنے ٹریکٹروں کے ٹائروں میں پانی بھر کر استعمال کرتے ہیں، تاکہ سخت دھوپ اور زیادہ درجہ حرارت کی صورت میں ٹائروں کی جلدی گھسائی سے بچا جا سکے۔ان کا کہنا ہے کہ ہوا کی جگہ پانی بھرا جائے تو ٹائروں کی مضبوطی برقرار رہتی ہے اور پنکچر ہونے کے امکانات بھی کم ہو جاتے ہیں۔کسان کیشو نے بتایا کہ برسات کے موسم میں وہ ٹائروں سے پانی نکال کر دوبارہ ہوا بھرتے ہیں، تاکہ کیچڑ میں چلنے کے دوران گاڑی کے توازن میں فرق نہ آئے۔یہ طریقہ نہ صرف معقول خرچ میں مددگار ہے بلکہ ٹائروں کی عمر بھی بڑھاتا ہے۔ مقامی کسانوں کی یہ انوکھی تکنیک اب دیگر علاقوں کے کسانوں میں بھی مقبول ہو رہی ہے۔