ایران نے ایک بار پھر اسرائیل پر میزائل حملہ کیا

یروشلم: ایران کی جانب سے بیلسٹک میزائل حملے دوبارہ شروع کرنے کے بعد وسطی، شمالی اسرائیل اور یروشلم میں سائرن بج اٹھے۔ ایران کے بیلسٹک میزائل حملے کے بعد اسرائیل کے متاثرہ علاقوں میں لوگوں کو بنکروں میں رہنے کی ہدایت کی گئی تھی۔ امریکہ کی جانب سے ایران کی تین جوہری تنصیبات پر حملے کے بعد یہ ایران کا پہلا میزائل حملہ ہے۔ احتیاط کے طور پر اسرائیل نے اپنی فضائی حدود بند کر دی ہیں۔
اسرائیلی ڈیفنس فورسز نے ایک بیان میں کہا کہ وزیر دفاع اسرائیل کاٹز کی منظوری اور صورتحال کا جائزہ لینے کے بعد، اتوار کی علی الصبح 03:45 (مقامی وقت) سے ہوم فرنٹ کمانڈ کے رہنما اصولوں میں فوری تبدیلیاں کی جائیں گی۔ اسرائیل میں، ہوم فرنٹ کمانڈ کی ہدایات کو تبدیل کر دیا گیا ہے اور اب پورے ملک میں صرف ضروری خدمات (جیسے صحت، سیکورٹی، ہنگامی خدمات وغیرہ) کو چلایا گیا ہے۔ ہدایات میں ضروری علاقوں کے علاوہ تعلیمی سرگرمیوں، اجتماعات اور کام کی جگہوں پر پابندی شامل ہے۔
امریکی صدر ڈونلڈ ٹرمپ نے ہفتہ کوکہا کہ امریکہ نے ایران کی تین جوہری تنصیبات فردو، نطنز اور اصفہان پر حملہ کیا ہے۔